Қазақстандағы ірі MEGA Alma-Ata сауда, ойын-сауық орталығы Алматы қаласында 2006 жылы ашылған. Ол қазір қала тұрғындары мен қонақтарының сүйікті мекеніне айналды.  MEGA Alma-Ata орталығына күніне 30 000 адам келеді, ал демалыс күндері мұнда келушілердің саны екі есеге дейін артады. Орталықта азық-түлік гипермаркеті, тұрмыстық техника дүкені, әлемге танымал брендтердің жүз дүңгіршегі, ірі фудкорт, сегіз залы бар кинотеатр-мультиплекс,  құзға өрлеу, мұз айдыны, балаларға арналған ойын-сауық саябағы,  боулинг тағы басқалары бар.